PIRATA AUSARTA

Zer gertatzen da pirata basati bat itsasontziko masta nagusira igo eta, abentura betean ari dela, amak meriendatzera joateko deitzen dionean? Ricardo Alca´ntarak eta Gustik osatzen duten tandem sortzaile honek egindako liburu honetan ageri-agerian gelditzen dira haur-irudimen neurrigabeak edozein objektu jolasgai eta gozagarri bihurtzeko duen ahalmena. Pirata ausartak 30 urte betetzen ditu abentura bizkor baten gorabeherak errima bidez fantasia akuilatzen; etxetik irten gabe itsasoak zeharkatzeko gonbitea egiten du, abordatzeak eginez eta altxorrak bilatuz.

Juantxo txikiaren istorioak Maurice Sendaken Piztiak bizi diren lekuan liburuko Max ausarta dakarkigu gogora, eta baita Oli eta Ramo´n Trigoren El pirata Pata de Lata ere. Ilustrazioak literatur dinamismoaren parte dira, trazu fin eta leunez koloreztutako eszenatoki eskematikoen bidez, eta beroietan protagonista ez da behin ere geldirik egoten: soka batez botatzen du bere burua, lema gobernatu eta kataloxa erabiltzen du…